CAGAYAN DE ORO CITY – Wala pa ubsi sa Police Regional Office 10 ang gipatuman nga seguridad sa Northern Mindanao pagsulod sa Enero ning tuiga.
Partikular nga katuyuan niini nga mahatagan sa seguridad ang pagdagsa sa mga tawo nga makiglambigit sa laing hugna sa kapistahan sa Itom nga Nazareno diin adunay himoon nga traslacion sa petsa 9 ning syudad.
Miingon si PR0 10 Director Brig Gen Jaysen De Guzman nga hinoon walay bisan unsa nga bahad sila nga nadawat gikan sa mga kontra sa gobierno apan dili nila paubsan ang ipatuman nga seguridad nga numerong ihatag sa tropa sa Cagayan de Oro City Police Office.
Nunot niini,nakig-koordinar na ang Cagayan de Oro City Police Office o COCPO sa mga taga-simbahan ingon man sa city govt kabahin sa ipatuman nga seguridad sa kapistahan sa Black Nazarene sa Enero 9 sa syudad.
Miingon si Police Lt Col Evan Viñas,tigpamaba sa COCPO nga wala pa’y pinal nga nasabutan alayon sa safety protocols nga angay sundon sa aktibidad.
Siya miingon nga dili imposible nga e-rekomendar nila sa city govt nga ipaubos sa signal jamming ang syudad atol sa pangilin sa Nazareno.
Hisayrang pila ka libong deboto usab ang gaapil sa traslacion sa maong pista kada-tuig ning syudad.
