CAGAYAN DE ORO CITY – Gihimo nga modelo sa NEDA 10 ug DILG 10 ang paagi sa online registration sa mga residente nga mabakunahan batok COVID-19 dinhi sa dakbayan.
Kini human nagpasar sa resolusyon ang NorMin Task Force aron sundon na usab sa ubang mga lugar sa rehiyon ang paagi sa syudad kabahin sa vaccination rollout strategy batok bayrus.
Miingon si City Health Office head Dr Lorraine Nery nga bisan gamay ra kini nga paagi apan nakahatag usab sa morale sa naglangkob sa task force sa syudad kinsa sobra tuig nang nakigbatok sa bayrus.
Apan alang usab kang City Mayor Oscar Moreno nga dili angay mulu-ag ang hugot nga kampanya sa dakbayan bisan sa maong pag-ila.
Miingon si Moreno nga nalipay kini apan wala siya matagbaw kay daghan pa angay trabahuon aron ubsan ang taas nga kaso sa virus infections dinhi sa dakbayan.
Maoy gusto sa mayor nga walay ihatag nga kumpiyansa ang milangkob sa city govt aron dili usab mahimong kampante ang publiko batok sa bayrus.
