CAGAYAN DE ORO CITY – Gikasuha’g kriminal sa kanhi tresurera ug incumbent konsehal si Punong Brgy Alexander Torralba sa piskalya ning syudad kagahapong adlawa.
Maoy mikaso kang Torralba si Lumbia Kag Roger Butlig,chairman sa finance committee sa konseho ug kanhi brgy treasurer Carmen Adriano tungod sa pasangil sa mga anomaliya.
Kabahin sa giduso nga kaso sa complainants batok sa brgy kapitan ang malversation of public funds ug fraud against treasury sa maong brgy.
Gawas sa kriminal,idangop usab sa complainants ang ilang reklamo batok sa unom ka sinumbong sa Office of the Ombudsman alang sa kasong administratibo.
Samtang gikakurat ni Torralba nga siya gikasuhan sa iyang kauban sa konseho inay mas una kini naka-diskobre nga adunay nahitabong pagwaldas sa panalapi sa ilang brgy.
Kini human giakusar ni Torralba nga naka-diskobre sila’g kuwestiyonalable nga mga tseke sulod sa opisina ni Adriano.
Miingon ang opisyal nga nakurat kini sa summon gikan sa Commission on Audit kon nganong gipangayuan siya’g financial liquadation kabahin sa mga transaksyon sa ilang brgy.
Wala una mokomento si Torralba batok sa mga pasangil ni Butlig ug Adriano.
