CAGAYAN DE ORO CITY – Gipaniguro sa Cagayan de Oro City Police Office o COCPO nga dili masudlan sa bisan unsa nga hadla sa pagsabotahe sa seguridad sa pagsaulog sa kapaskuhan ug bag-ong tuig ang syudad.
Kini ilabina batok sa mga terorista nga pabiling dakong bahad sa Mindanao hinungdan tulo ka tuig nang gipatuman sa gobierno ang martial law.
Miingon si COCPO spokesperson Maj Evan Vinias nga naka-alerto ang intelligence community sa rehiyon aron masiguro nga mabantayan ang nag-unang mga syudad nga posibleng sudlan sa mga armado o teroristang mga pundok.
Una nang gisulti ni Pres Rodrigo Duterte nga wad-on na niiini ang martial law sa Mindanao igo paghupas sa Disyembre 31 ning tuiga.
