CAGAYAN DE ORO CITY-Gi-depensa karon sa kapolisan ang ilang huyang nga kampanya aron masikop ang utok sa mga ilegal nga pasugal nga gipadagan dinhi sa syudad.
Kini human nabantayan nga mga runner ug asir lamang ang madaug-daug sa anti-illegal gambling operation sa kapolisan sa dakbayan.
Namahayag si C/Insp Mardi Hortillosa,tigpabama sa Cagayan de Oro City Police Office o COCPO nga lisod kanila ang pagtumbok ug pagsikop sa mga gambling lord ilabina nga migamit kini’g mga tawo aron mapadagan ang ilang ilegal nga panguwarta sa syudad.
Una niini,gipasigarbo sa kapolisan nga illegal gambling free na ang syudad bisan nga mokita na lamang sa 2-mil hangtod 5-mil pesos ang small town lottery o STL tungod sa pagbalik sa pasugal nga gipadagan sa gambling lords sa syudad.
