CAGAYAN DE ORO CITY-Namugos karon ang kapolisan nga pabiling negatibo sa presensiya sa teroristang Maute-ISIS aron mohimo’g recruitment alang sa bag-ong mga miembro ang syudad.
Gihimo kini nga katin-awa ni C/Insp Mardi Hortollisa,tigpamaba sa Cagayan de Oro City Police Office o COCPO tungod sa impormasyon gikan sa militar nga misulod sa dakbayan ang mga terorista aron mang-recruit ilabina sa mga tunghaan ug mga unibersidad.
Una niini,gikompirmar ni Joint Task Force Ranao deputy commander Col Romeo Brawner nga dili lamang sa Marawi City,Lanao del Sur apan bisan sa ubang mga syudad sa Mindanao naghimo’g pagpang-recrcuit ang galamay sa mga terorista nga unang nakig-engkuwentro sa militar kaniadto.
Hisayrang sa miaging mga bulan,sunod-sunod nga gisudlan sa mga sakop sa Maute-ISIS ang syudad aron isabotahe,apan paspas kining nasanta sa naglangkob sa Martial Law-Special Action Group o ML-SAG.
