CAGAYAN DE ORO CITY- Gradong otso ang mahatag sa Cagayan de Oro City Police Office o COCPO kang outgoing City Police Director Sr Supt Ronnie Francis Cariaga.
Kini tungod sa namintinar nga kahusay’g kalinaw ug nabatukan nga bahad sa mga pag-atake nga terorismo dinhi sa syudad.
Miingon si COCPO’s spokesperson C/Insp Mardy Hortillosa II nga maayo ang legasiya nga ibilin ni Cariaga sa katawhan sa syudad ayha kini ibalhin pagdestino sa Luzon.
Bugtong kontrobersya lamang nga giatubang sa liderato ni Cariaga ang pangdagit sa 5 ka pulis sa negosyante sa syudad sa miaging Oktubre 2016 diin ang kaso anaa na sa korte.
Hisayrang si Cariaga ang back to back usab nga nakadawat sa pasidungog alang sa kapolisan dinhi sa syudad.
