CAGAYAN DE ORO CITY-Miduso’g motion for reconsideration o MR sila Supt Michael John Deloso ug SPO3 Ernesto Galleto sa Ombudsman.
Kini human sila pakyas makakuha sa temporary restraining order o TRO sa Court of Appeals o CA aron unta pugngan ang pagtangtang kanila sa ilang mga trabaho.
Gibutyag ni Deloso nga i-agi nila ang tanan sa legal nga paagi hangtod nga makuha ang hustisya nga gihikaw gikan kanila.
Si Deloso ug Galleto gitangtang sa Ombudsman ug PNP tungod sa kasong administratibo nga gipasaka kaniadto ni Atty Ernie Palanan.
Gitahod ni Atty Ernie Palanan ang paagi nga gihimo nila ni Supt Michael John Deloso ug SPO3 Ernesto Galleto nga miduso sa motion for reconsideration o MR sa Ombudsman.
Kini bisan nga naulahi na ang pagbuhat nila niini aron unta i-apelar ang pagtangtang kanila sa Ombudsman isip mga pulis sa syudad.
Si Palanan miingon nga gihimo na lamang kini sa maong mga pulis tungod kay gi-dismiss sa Court of Appeals ang ilang petition aron makakuha’g temporary restraining order.
Nasayran nga si Palanan ang nagpa-entrap kang Deloso ug Galleto tungod sa pasangil nga nangilkil sa ilang transport organization sa tag-P6-mil ang bulan sa tuig 2014.
