CAGAYAN DE ORO CITY-Napakyas ang kampo ni dismissed Police Supt Michael Deloso ug SPO3 Ernesto Galleto nga makakuha’g temporary restraining order o TRO sa Court of Appeals o CA-Mindanao Station ning syudad.
Kini aron unta pugngan ang pagtangtang kanila sa Ombudsman ug PNP isip mga pulis sa syudad.
Gibutyag Atty Ernie Palanan,complainant sa kasong administratibo batok Deloso ug Galleto nga gipagawas sa CA 21st Special Division ang ilang hukom niadtong Hunyo 29 ning tuiga.
Kabahin sa argumento sa CA nga ilang gibasura ang petition sa duha ka pulis tungod kay dili mao ang paagi nga gipangayo niini aron mahatagan sa TRO.
Si Deloso ug Galleto ang unang nasikop sa NBI entrapment operation tungod sa giingong pagpangayo’g P6-mil nga salapi sa transport group diin si Palanan ang nagsilbing presidente sa tuig 2014.
Si Deloso ang kanhi hepe sa traffic division sa Cagayan de Oro City Police Office o COCPO.
