CAGAYAN DE ORO CITY-Gigraduhan lamang sa passing grade o 50% sa Cagayan de Oro City Police Office o COCPO ang mga partisipante sa gilusad nga simulation exercise sa kapolisan, kasundaluan ug LGU’s sa Brgy Lumbia ning syudad kagahapon sa buntag.
Kini aron i-andam ang kapolisan batok sa posibleng mga atake sa rebeldeng New People’s Army o NPA nga sunod-sunod nga nahitabo sa mga silingang lugar sa rehiyon.
Gibutyag ni COCPO spokespeson C/Insp Mardy Hortillosa II nga milugwa ang kakulangon sa komonikasyon ug paspas nga koordinasyon sa militar atol sa maong kalihukan.
Kini ang hinungdan nga mohimo’g laing simulation exercise aron mas molig-on pa ang kaandam sa kapolisan batok sa mga hadla sa seguridad sa syudad.
