CAGAYAN DE ORO CITY – Makigsangka si Cagayan de Oro pride Carlo Paalam batok sa lig-ong boksidor sa Algeria nga si Mohamed Flisi alang sa round of 16 sa adlaw’ng Sabado.
Kini human unang milampos si Carlo pagpildi sa 2-time Olympian nga si Irish boxer Brendan Irvine via split decision sa nagpadayong Tokyo Olympics sa Japan.
Gipukan sa 23 anyos nga si Paalam ang 32 anyos nga si Brendan pinaagi sa impresibong performance diin natapos ang dula sa 4-1.Gilayong mibaha ang pagdayeg alang sa kadaugan ni Carlo.
Kabahin sa nalipay pag-ayo sa iyang kadaugan mismo ang ilang amahan nga si Paalam Sr kinsa eksklusibong na interbyu sa Bombo Radyo paghuman nga gipildi ni Carlo si Irvine kagahapon sa buntag.
Dugtong niini,miapilar ang amahan ni Carlo nga si Pio Rio Paalam Jr nga i-ampo ang kalampusan sa nabiling mga atletang Pinoy aron makab-ot ang idlas nga gold medal nga dul-an gatos ka tuig nang pakyas makuha sa Pilipinas.
Sa pikas bahin,duol na makab-ot ni Neshty Petecio ang medalya sa Olympics.
Kini human kulataha usab ni Nesh ang world’s no.1 nga si Chinese Taipei Lin Yun Tin via split decision.
Giguba ni Petecio ang diskarte sa 5”7 height nga boxer sa Chinese Taipei ang aron sakmiton ang 3-2 final score sa featherweight division.
Sunod ikasangka sa quarterfinals ni Neshty ang laing lig-ong boksidor sa Colombia nga si Yeni Marcela Arias Castaneda.
Samtang sa ulahing medal tally,ang Japan ang may walo ka medalyang bulawan na,gisundan sa pito nga iya sa Amerika;unom sa China;upat sa Rusya;tag-tulo sa Great Britain ug South Korea samtang tag-duha sa Australia ug Kosovo.
Samtang may tag-usa na usab ang Uzbekistan;Thailand;Norway;Iran; Hong Kong; Ecaudor; Austria; Croatia;Tunisia; Hungary; Canada; France;Italya ug mismo ang Pilipinas.
