CAGAYAN DE ORO CITY – Gikalipay sa katawhan sa Cagayan de Oro City ang laing kadaugan sa beauty queen nga si Nikki De Moura sa giapilan nga national pageant competition nga Ms Grand Philippines sa kauluhan.
Kini human siya ilha nga grand winner sa gihimong coronation night diin gipildi sa 19 anyos nga Filipina-Brazilian beauty queen nga gikan dinhi sa syudad ang laing mga kandidata nga nagtinguha sa maong titulo.
Si Nikki ang ikatulo nga Cagay-anon nga nakakuha’g titulo alang sa syudad nga unang nahimo nila ni 2015 Ms Universe Pia Wurtzbach ug 2021 Ms Inter-continental Cindy Obeñita nga pulos na minyo usab ning panahona.
Sumala sa dress designer ni Nikki nga si Jie-Jie Aisa nga wala gyud sila magdahom nga ang maincrown ang ilang makuha kagabii.
Kini tungod kay nag-interes usab sila nga makuha ni Nikki ang korona alang sa REINA HISPANOAMERICANA FILIPINAS tungod sa pagsilbing half-Brizilian blooded beuaty niini.
Una niini,gipangutana si Nikki kon unsay iyang slogan nga mas ma-promote pa ang Pilipinas sa international community.
Hisayrang himoon ang Ms Grand International sa Vietnam sa Oktubre ning tuiga.
