CAGAYAN DE ORO CITY – Magamit pa’g balik sa katawhan ang duha ka phase sa plaza Divisoria nga nahimutang sa pinaka-sentrong bahin sa dakbayan.
Kini human panguluhi ni City Mayor Klarex Uy ang pagdawat sa natapos nang pagpanindot sa kontraktor sa maong bahin sa parke sa dakbayan.
Miingon ang mayor nga gitinguha sa city government nga mapadali ang paghuman sa kontraktor aron maapas paggamit atol sa kasaulugan sa ika-127 nga tuig nga Philippine Independence Day ugmang adlawa.
Namahayag si Uy nga maoy naapas pagtrabaho sa gitahasan nila nga kontraktor sa proyekto ang phase 3 nga gilakipan sa JR Borja Park & Kiosko Kagawasan Re-development ug Rizal Development Park nga nagsilbing phase 4.
Hisayrang ang maong paggalam sa maong bahin sa dakbayan ang tipik sa Project Lunhaw alang sa dugang ikaugmad sa dakbayan.
