CAGAYAN DE ORO CITY-Naglaraw ang school principal nga si Dr Arnold Tejero nga moduso’g kaso batok sa mga pulis nga midakop kaniya ning syudad sa miaging semana.
Kini human daw gipadako sa kapolisan ang pagsikop kaniya tungod sa kasong child abuse.
Namahayag si Tejero nga gitun-an na sa iyang mga abogado ang sunod nga himoong legal action batok sa mga pulis nga misikop kaniya.
Una niini,nasulod sa city jail si Tejero human gikulang sa oras ang pagpiyansa apan hingpit ra gihapon nakagawas tungod sa paghikay sa iyang mga abogado.
