CAGAYAN DE ORO CITY-Gipaniguro sa kadagkuan sa Dept of Education nga dili mapasagdan ang paghatag sa igong edukasyon sa libuang mga tinun-an sa City Central School diha sa Yacapin-Velez Streets ning syudad.
Kini bisan nga gisikop sa kapolisan si school principal Dr Arnold Tejero tungod sa kasong child abuse diin gidala na sa city jail ning syudad.
Gibutyag ni asst city principal Rudy Villalobos nga gihulat nila maka-piyansa si Tejero batok sa iyang kaso.
Una usab niini,temporaryong gawasnon si Villalobos sa kasong child abuse dihang gisikop kini sa kapolisan ning syudad sa miaging adlaw.
Samtang ipahamtang ni DepEd regional director Dr Allan Farnazo ang silot kon makit-ang may gimbug-aton ang kasong administratibo batok kanila ni school principal Dr Arnold Tejero sa asst principal niini nga si Rudy Villalobos nga nakabase sa City Central School sa syudad.
Kini human gipangsikop ang duruha sa magkalahi nga higayon sa kasong child abuse nga gipasaka sa ilang mga kritiko sa maong tunghaan.
Gibutyag ni Farnazo nga hulaton nila ang resulta sa kaugalingon niining imbestigasyon sa DepEd legal service ayha mohimo’g lakang batok sa duha niini ka school principals.
