CAGAYAN DE ORO CITY – Mihangyo sa pakighiusa ug kooperasyon si City Mayor Rolando ‘Klarex’ Uy sa katawhan samtang gi-obserbar ang pagdumdom ang adlaw sa mga kalag ning adlawa sa dakbayan.
Miingon ang mayor nga mahimong kawang ang tanang paningkamot sa kagamhanan kon supakon sa publiko ang mga regulasyon nga gipatuman sa mga otoridad diha sa mga nagkadaiyang menteryo sa dakbayan.
Partikular nga gitumbok sa mayor ang seryoso nga pag-obserbar sa health protocols sa katawhan aron kalikayan nga mosaka’g balik ang mga positibong kaso sa COVID-19 sa syudad.
Hinoon,wala mawala ang pipila ka dumuduaw nga nangasapon nga nagpalusot sa pipila ka butang nga gidili samtang mosulod sa mga menteryo kagahapong adlawa.
Samtang wala mabalda ang mga pagduaw sa katawhan sa mga probinsya sa rehiyon sa pag-obserbar sa todos los santos ug karong adlawa sa mga kalag.
Kini ang inisyal nga security assesment ni Police Regional Office 10 regional director Brig Gen Lawrecne Coop sa pagdagsa ang publiko sa nagkadaiyang menteryo.
Gihimo sa heneral ang pahayag dungan sa iyang personal nga pagbisita sa mga dagkong menteryo sa dakbayan kagahapong adlawa.
Sutaon usab ni Coop ang security deployment sa ilang tropa sa Misamis Occidental ning adlawa.
