CAGAYAN DE ORO CITY-Nasikop sa hiniusang operasyon sa kapolisan ang no.3 sa city level nga durugista ingon man ang kanhi sundalo diha sa Ramonal Village,Brgy Camaman-an sa syudad kagahapong adlawa.
Si City Intelligence Unit o CIU head C/Insp Ariel Philip Pontillas miila sa suspek nga si Jocelyn Pacanut diin nakuhaa’g 13 ka sachets sa gitoohang shabu.
Nasikop usab ang ig-agaw ni Pacanut nga si Jun Brazil kinsa kanhi sundalo ug mismong uyab niini nga si Alcris Fuentes.
Nabilanggo na sa prisohan ang 3 ka suspek ug kasuhan sa piskalya ning syudad ugmang adlawa.
Samtang gikakurat sa dinakpan nga si Jocelyn Pacanut kon nganong gisikop pa gihapon siya bisan sa iyang pagka-Tokhang surrenderee sa kapolisan.
Giangkon ni Pacanut nga anaa sa listahan sa kapolisan ang iyang pangalan apan disidido na unta kini mopaubos sa anti-drug community rehab sa brgy.
Nasuta usab nga tiggamitan gihapon sa shabu ang trato niini si Alcris Fuentes hinungdan lakip gidakop ingon man iyang ig-agaw nga si Jun Brazil
