(Update) CAGAYAN DE ORO CITY- Nasikop pinasikad sa warrant of arrest ang 3 ka wanted person nga nag-atubang sa nagkadaiyang kasong kriminal dinhi sa syudad.
Miingon si Detective Management Desk o DMD head C/Insp Harvey Abellanosa nga maoy ilang nasikop si Nicolas Dagala,hingkod ang panuigon nga adunay kasong murder.
Gibasehan pagsikop kang Dagala ang warrant of arrest nga gipalugwa ni RTC Branch 19 Presiding Judge Evelyn Nery tungod sa maong kaso.
Samtang nasikop usab sa magkalahi nga higayon ang laing 2 ka wanted persons nga nag-atubang kreminal ning syudad.
Giila ang mga dinakpan nga sila si Raul Rosales ug Fael Borja nga ning panahona itugyan na regular jail ning syudad.
Una sila nga nasikop sa mga otoridad sa Brgy Macabalan ug Brgy Bulua ning syudad sa miaging adlaw.
