CAGAYAN DE ORO CITY – Andam si City Vice Mayor Kikang Uy mopaubos sa imbestigasyon kon makit-an nga nakalapas sa nat’l ug local nga balaod kabahin sa gipangtukod nga billboards isip negosyo sa ilang pamilya dinhi sa dakbayan.
Kini human unang nag-special report si SK Federation President John Michael Seno ug nag-kuwestiyon sa ilegal billboard construction sa Ultra Craft Advertising nga gipanag-iya sa pamilya ni Kag Lordan Suan ning syudad.
Miingon si Uy nga subay sa presentasyon ni Seno,kumbinsido kini nga dunay kalapasan sa balaod ang pamilya ni Suan rason nga angay ipaubos sa imbestigasyon sa konseho.
Samtang gipadumduman sa alyado ni Uy nga si Kag Edgar Cabanlas ang konseho nga dili gilayon hukman ang pamilyang Suan kabahin sa billboard constructions sa pipila kabahin sa syudad.
Kini bisan kon dunay gipakita nga basehan si Seno kabahin sa iyang akusasyon batok sa family business nila ni Kag Lordan Suan.
Miingon si Cabanlas nga angayang imbestigaron una ang akusasyon ayha mohatag sa pamahayag aron dili mabutang sa kaulawon ang konseho atubangan sa katawhan.
