CAGAYAN DE ORO CITY-Ipaluwat ni City Vice Mayor Rainer Joaquin ‘Kikang’ Uy si City Coun Lordan Suan sa pagka-konsehal sa syudad.
Kini kon mapakyas si Suan nga mapamatud-an nga kabahin ang pamilya ni Uy nga nagsilbi niini nga job orders sa konseho.
Gihimo ni Uy ang pahayag dungan sa hagit ni Suan nga ilugwa sa konseho ang tanang job orders aron masuta kon kinsa kanila ang nakahimo sa nepotismo o pagpasulod sa mga paryente.
Una niini,gitawag ni Suan si Uy nga dakong bias sa iyang tratamento ilabina kon gikan sa oposisyon.
Hisayrang nabulabog ang hisgutanan sa job orders human balibari ni Uy ang katudluan sa gisubmitar nga mga pangalan ni Suan isip iyang mahimong staff workers nga gilakipan sa amahan,igsoon,uyuan,iyaan ug paryente sa hinigugma niini.
