CAGAYAN DE ORO CITY- Gisuspenso sa korte Suprema ang usa ka abogado ug law professor tungod sa kasong sexual harrasment.
Giila ang gisuspenso nga si Atty Cresencio Co Untian Jr, Law professor sa Xavier University ning syudad.
Gilugwa sa SC en banc ang suspension batok kang Untian tungod sa reklamo sa tulo ka magtutungha niini.
Lima ka tuig siyang gi-ban sa pag-practice sa abogasiya, kuyog niini ang 10 ka tuig nga pagpa-undang sa pagtudlo sa XU. Laing duha ka tuig nga ‘penalty ang gi-imposar sa Integrated Bar of the Philippines batok Untian.
Base sa report, gireklamo sa mga babayeng complainant ang ilang magtutudlo tungod sa mga gipadalang love notes, romantic messages ug gi-awhag pa nga uban kaniya sa Camiguin.
Gikastigo usab sa usa ka complainant ang maong magtutudlo human nagpalugwa kinig nude photo ug namugos kini nga susama’g nawong sa usa sa mga reklamante.
Gikasuko usab sa usa sa mga reklamante ang pagpadalag mensahe sama sa “love you”, “miss you” ug uban pang flirting text messages.
Mi-angkon si SC Justice Marvic Leonen nga mao pa kini ang unang higayon nga nagpakanaug sila’g silot batok sa usa ka law professor nga nag-atubang sa kasong sexual harrasment.
