CAGAYAN DE ORO CITY – Gipaboran sa Xavier University -Ateneo de Cagayan ang pagsuspenso sa Korte Suprema batok abogado ug law professor tungod sa kasong sexual harrasment ning syudad.
Sa mensaheng gipaabot sa maong unibersidad sa Bombo Radyo, gikompirmar niini nga ang kasong sexual harrasment nga gilambigitan ni Atty Cresencio Co Untian Jr nga wala na gi-renew sa tunghaan ang iyang kontrata gikan pa tuig 2002.
Gitin-aw sa unibersidad nga tungod sa kontrobersiya nga gilambigitan ni Untian, nagpatuman sila’g hugot nga kamanduan ug regulasyon alang sa katuyuan nga malikayan ang kaso sa sexual harrassment.
Una niini,gilugwa sa SC en banc ang suspension batok kang propesor Untian tungod sa reklamo sa tulo ka magtutungha kaniadto.
Gireklamo sa mga babayeng complainant ang ilang magtutudlo tungod sa mga gipadalang love notes, romantic messages ug gi-awhag pa nga uban kaniya sa Camiguin.
Gikastigo usab sa usa ka complainant ang maong magtutudlo human nagpalugwa kini’g nude photo ug namugos kini nga susamag nawong sa usa sa mga reklamante.
Gikalagot usab sa usa sa mga reklamante ang pagpadalag mensahe sama sa “love you”, “miss you” ug uban pang flirting text messages.
Una nang gibutyag ni Justice Marvic Leonen nga mao kini ang unang higayon nga may nasilotan nga abogado tungod sa kasong sexual harrasment.
Dugtong usab niini,abli ang Bombo Radyo sa tanang higayon alang sa panig ni Untian kabahin sa isyu batok kaniya.
Samtang gitahod Integrated Bar of the Philippines Cagayan de Oro-Misamis Oriental chapter ang pagsuspenso sa Korte Suprema sa kanhi law professor sa XU sa syudad.
Gibutyag ni IBP Cagayan de Oro-Mis Or chapter President Atty. Carlo Antonio Almirante nga gikaguol sa law community ang nahitabo kang Untian apan wala sila’y mahimo gumikan kay mando man kini sa pinakataas nga hukmanan.
Miingon si Almirante adunay balaod nga angay sundon busa ilang girespeto ang nakab-ot nga hukom sa Supreme Court en banc.
Una niini, nagpalugwa sa kamanduan ang Supreme Court en banc sa pagsuspenso sa abogado sulod sa lima katuig ug pagtudlo sa bisan asang law school sa nasud.
Ang maong kaso ang nagsugod sa reklamo sa tulo ka law students kinsa gikaingong nakasinati sa sexual harassments.
