NAGMALINAWON ang gipahigayon BLACK FRIDAY Protest gikan sa religious, academe, mga grupo sa abogado ug anaa sa labor force, dinhi sa syudad.
Kini nga lihok protesta gipanguluhan sa Promotion of Church People’s Response (PCPR) Northern Mindanao.
Gigutyag ni Fr. Jefferson Palasan sa IFI, tumong sa kalihokan ang pagpalanog sa ilang panawagan nga silotan ang mga nakasala sa pagbulsa sa multi-bilyon nga kantidad sa kwarta sa katawhan.
Miingon si Palasan nga sa Setyembre 21, mas musaka pa ang ilang ihap kay muduyog sila sa ubang grupo aron hiniusang ikondinar ang kahiwian sa pipila ka trabahante ug opisyal sa gobyerno kay gihikawan nila sa proteksyon batok sa baha ang mga kabus.
Kagahapon, ang rally sa PCPR gilusad ug binantayan sa mga kapulisan sa Magsaysay Park, Divisoria paingon sa Press Freedom Park sa dakbayan
