Overall champion ang mga boksidor sa Cagayan de Oro Riser Amateur Boxing Team, sa ilang pagsalmot sa Sandugo National Amateur Boxing Championship sa Bohol.
Gibutyag ni Coach Elmer Pamisa, head coach sa CdeO Team nga dakung garbo ang ilang gibati sa pagpauli sa syudad dihang ilang naharus ug nabulsa ang 19 ka medalya, kundiin 11 niini ang bulawan, 3 ka pilak, ug 5 ka bronse.
Miingon si Pamisa nga ang pagsilbing overall champion mihatag sa dakung kadungganan sa mga boksidor ning syudad, kay hinay-hinay nang naila sa kapas, kusog, ug paghawod sa ring bisan sa kabatan-on ang edad.
Kagahapon, nakauli na ang tanan boksidor nga gidala ni Pamisa ug gilauman kining magcourtesy call kang City Mayor Klarex Uy nga usa sa pinakadakung “benefactor” sa mga atleta ning syudad.
