CAGAYAN DE ORO CITY, Philippines – Lusot na sa ikatulong pagbasa ang sugyot nga mudeklarar sa Cagayan de Oro City isip “Whitewater Rafting Capital of the Philippines.”
Maoy nangamahan sa sugytot si Misamis Oriental 2nd District Representative Yevgeny Vincente Emano.
Siya miingon nga pinaagi sa House Bill 11108, daku ang ihatag nga kalambuan sa ekonomiya sa syudad, ug sa lalawigan ilabe na sa sektor sa turismo.
Hisayran nga ang sugyot balaodnon, nagtinguha nga malakip ang Cagayan de Oro sa mga nasudnong programa ug rehiyonal nga promosyon sa Department of Tourism (DOT) aron madani ang daghang mga adventure-seekers, dili lamang sa Pilipinas apan, sa tibook kalibutan
Gibutyag ni DOT-10 (Northern Mindanao) Director Marie Elaine Unchuan, nga ang CDO’s whitewater rafting activities nakadani na sa dili muminos 20,000 tourists matag tuig.
Subay sa DOT-10 data sa 2023, ang syudad midawat sa 774,025 ka mga turista, ug mitubo sa 12.72% ang gidaghanon niini, itande sa milabay’ng tuig.
