Gitahasan ni PRO 10 regional director Brig Gen Christopher Abrahano ang tanang lower unit commanders nga ipalig-on ang police visibility sa Northern Mindanao.
Gihimo sa heneral ang kamanduan epekto sa sunod-sunod nga kaso sa pagpamusil-patay dinhi sa dakbayan.Namahayag si Abrahano nga dili kini mohatag kampante taliwala nga nag-ubos ang crime rate sa rehiyon sa milabay’ng mga bulan.
Siya miingon nga angayang pugngan ang matag-hitabo sa kremin ug paspasan ang pagsulbad kung malutsan.
Hisayrang sulod ning tuiga, lima ka sibilyan ang patay ug usa ang naluwas sa magkalahing pagpamusil nga naglakip sa mag-uyab sa Sitio Pinikitan; sa Brgy Balulang,sa Corrales Avenue, Brgy Patag, Brgy Iponan ning syudad.
Ang ulahing duha ka incidente mao ang 15 ka samad pinusilan gikan sa Brgy Lapasan, ug 5 ka igo pinusila sa biktima sa Brgy Kauswagan.
