Alerto ang City Disaster Risk Reduction Management Department (CDRRMD) sa posibleng pag-igo sa tag-as nga Tsunami Wave epekto sa 8.7 magnitude nga linog sa baybayon sa Russia, kagahapon.
Gibutyag ni Aurora Tangcalagan, Local Disaster Risk Reduction Management Officer I sa CDRRMD nga adunay unom ka klase sa hazard nga posibleng makaapekto sa syudad kung dili kini mapangandaman.
Usa niini ang epekto sa linog sama sa landslide, kusog nga balaod, tusnamin, mga pagbaha, sunog, ug hulaw kon drought. Gipasabot ni Tangcalagan nga ang pagdagsa sa nagkalain-laing kalamidad sa maoy usa sa mga hinungdan nga mas gipahugtan pa sa syudad ang ilang preparasyon batok kalamidad.
Gipaniguro sa opisyal sa syudad nga kanunay alerto ug andam panahon sa emerhensiya ang ilang ahensya. Kuyog sa CDRRMC sa pagpangandam batok kalamidad ang Incident Management Team, Philippine Coast Guard, COCPO, BFP, Task Force Oro, Air Force, ug ang mga barangay disaster risk reduction management committee nga andam moresponde sa tanang oras.
Una nang gi-anunsyo sa CDRRMC nga dali ra sila matawagan sa publiko pinaagi sa pag dial sa 911.
Usa sa gihimong ehemplo ni Tangcalagan ang paspas nga pagresponde sa ahensya sa tawag sa usa ka 4Ps member nga gi-atake sa halas ang ilang puy-anan.
Gitin-aw sa opisyal nga maayo ang gihimo sa ilang caller kay kung ilang napatay ang halas mahimo pa silang kasuhan sa Republic Act 9147 o ang Wildlife Resources Conservation and Protection Act.
