Gipasalig ni Nick Jabagat, Manager sa CDRRMD, nga walay natalang major damages sa mga edipisyo human sa nahitabong linog nga miabot sa intensity 3 base sa ilang intensity meter sa City Hall.
Subay sa gipahigayong assessment sa buhatan uban ang City Planning, Office of Building Official, ug Engineering, nasuta nga wala silay nakitang dagkong liki sa mga gambalay ug mga establisyemento.
Hinuon, giangkon niya nga aduna lamang mga minor cracks sa pipila ka mga bungbong apan giklaro niini nga dili kini angayan nga ikabalaka.
Tungod niini, girekomendar sa opisyal nga mahimo nang mobalik sa normal ang operasyon sa mga trabaho ug klase sa dakbayan karong adlawa.
Dugang pa niini, hugot usab ang pahimangno sa buhatan nga walay angay kabalak-an tungod kay luwas ang kahimtang sa mga estruktura base sa ilang gihimong inspeksyon.
