CAGAYAN DE ORO CITY – Gi-kuwestiyon ug nasawayan sa naka-on floating status nga Cagayan de Oro Water District o COWD board of director Gerry Caño ang gilugwa nga cease and desist order gikan sa interim board of directors batok sa naka-work from home nga si General Manager Engr. Antonio Young.
Miingon si Caño nga wala sa gahom sa interim officials ang daw pagpahamtang sa administrative action batok kang Young.
Gibutyag niini nga kon dunay angay mohimo niini ang mga naggikan sa Civil Service Commission o CSC.
Tipik sila Young ug Caño nga nanumbong sa korte batok interim officials kay gikuwestiyon ang legalidad sa full takeover sa Local Water Utilities Administration o LWUA sa COWD rason nga nanga-floating status sila.
Samtang gipabilin lang unta sa LWUA ang original board of directors ug maoy dunay bag-uhon ang panig sa internal management sa COWD.
Kini ang reaksyon ni Citizens Watch for Good Governance o CWGG 10 convenor Atty Antonio Soriano sa mga lakang nga gihimo sa interim offiicals ngadto sa regular COWD BoDs.
Namahayag si Soriano nga dili gani klaro ang mando sa LWUA nga pagpasulod sa interim officials sa COWD kay walay papel nga napakita ug pahayag lang ni Pres Bongbong Marcos ang ilang gibasehan.
