CAGAYAN DE ORO CITY, Philippines – Gi-aprobahan na sa Israel’s security cabinet ang ceasefire deal sa Gaza ug pagbuhi sa mga nahibiling bihag nga gihuptan sa Hamas.
Ang opisina ni Israeli Prime Minister Benjamin Netanyahu ang mikompirmar sa nakab-ot nga kasabutan.
Una niini, mibahad sila Israeli Finance Minister Bezalel Smotrich ug National Security Minister Itamar Ben Gvir nga muluwat sa ilang puwesto kauban sa ilang mga miyembro kung idayon ni Netanyahu ang pagdawat sa ceasefire.
Namugos ang duruha nga dili mahimong ipakilid sa tibook kalibutan ang kriminal nga binuhatan sa Hamas ug kinahanglan masilutan ang mipatay sa ilang mga kaliwatan Hudyo nga gipangmasaker sa mga militante niadtong Oktobre 7, 2023.
