CAGAYAN DE ORO CITY – Nagpahimangno ang City Local Environment and Natural Resources o CLENRO nga magbayad na sa multa nga P3,000 matag cellophane ang mga negosyante nga masapon nga moggamit niini sa syudad sugod karong adlawa.
Kini human natapos na ang gihatag nga extension sa ahensiya sa City Ordinance No. 13378-2018 o mas naila nga “Integrated Eco-biological Solid Waste Management Ordinance”.
Miingon si CLENRO head Engr Armen Cuenca nga adunay duha sa ilang mga personahe ang magbantay sa matag malls ingon man sa mga karenderya ug sari sari store alang sa maong katuyuan.
Siya miingon nga gilayon nilang isyuhan sa violation receipts ang bisan kinsa nga mosupak sa ordinansa.
