CAGAYAN DE ORO CITY – Ipatuman sa Cagayan de Oro City Police Office o COCPO ang pag-jam sa celphone signals sa mismong adlaw sa kapistahan sa Black Nazarene sa syudad sa Enero 9 ning tuiga.
Kini pagsiguro nga dili malutsan ang seguridad diin libu-libo ka mga deboto ang moduyog sa traslacion o pagbalhin sa Itom nga Nazareno gikan sa San Agustin Cathedral padulong sa Sr Jesus Nazareno Parish sa maong adlaw.
Miingon si COCPO City Director Police Col Henry Dampal nga dili sila magduha-duha pag-rekomendar niini kang City Mayor Oscar Moreno aron masiguro ang kaluwasan sa katawhan sa dakbayan.
Dugang ni Dampal nga andam na sila sa ipatuman nga seguridad kuyog ang militar alang sa maong kalihukan.
