CAGAYAN DE ORO CITY-Palungon sa National Telecommunication Commission o NTC-10 ang signal sa komunikasyon ug gipatuman ang liquor ban sa syudad.
Kini sa pagsiguro nga luwas nga mapahigayon ang traslacion ug parada sa Itom nga Nazareno sa pipila ka kadalanan palibot sa syudad.
Miingon si City Mayor Oscar Moreno nga angay masabtan sa publiko ang himoon sa syudad kay paghatag kini’g proteksyon diin sugdan ang signal jamming sa alas 4:00 sa kadlawon hangtud mahuman ang prusisyon mawala ang signal ilabina sa mga lugar nga agian sa traslacion.
Samtang ikatag ang dili mominus 2-mil ka pulis,sundalo ug brgy tanod sa mismong adlaw sa traslacion ug parada sa Itom nga Nazareno sa syudad.
Kini human gipasalig ni City Director Police Sr Supt Nelson Aganon nga 95 porsiento na sila nga andam sa paghatag seguridad sa maong kalihukan.
Miingon si Cagayan de Oro City Police Office o COCPO spokesperson Police Supt. Mardi Hortillosa nga pagpaniguro kini aron malinawon ang paglusad sa kalihukan nga tuyo sabutahion sa pipila ka duatang mga tawo.
Dugtong niini,gimanduan ni Aganon ang kapolisan nga gamiton ang sentibo komon aron dili malutsa sa mga sobatahe.
