CAGAYAN DE ORO CITY, Philippines – Nangulo sa balanse nga opensiba si R.J. Barrett aron dad-on sa Toronto Raptors ang sakit nga kaparutan sa Boston Celtics.
Kagahapon, miresbak ang Raptors sa Celtics ug gitapos ang dula sa final score 110-97, didto sa Scotiabank Arena sa Toronto, Canada.
Si Barrett mihakot sa 22 puntos, milangkat sa 10 rebounds ug mihimong walo ka assists, aron panguluhan ang team nga kasamtangan anaa sa katapusang listahan sa standing sa NBA Eastern Conference.
Kahinumduman nga niadtong bespiras sa Bag-ong tuig, gimasaker sa Celtics ang Raptors ug nahuman ang dula sa final score 125-71.
Namahayag si Raptors Head Coach Darko Rajaković nga mihatag sa dakung epekto sa performance sa team ang maong kaparutan busan gipaningkamutan nila nga makabalos kagahapon.
Gibutyag ni Rajaković nga daku ang natabang nila Scottie Barnes nga mihipos sa 18 puntos, ug Jakob Poetl nga midonar sa 16 puntos ug 11 ka rebounds, aron mailog sa raptors ang kadaugan batok Celtics.
Subay sa NBA standing, ang raptors miangkon a sa 10 win – 31 loss record, samtang ang higanteng Celtics mihawid na sa ilang ika 28 ka daug ug naparot sa ika-12 ka higayon.
