CAGAYAN DE ORO CITY-Gidayeg ni City Election Officer Atty Ramil Acol ang rekomendasyon sa Philippine Drug Enforcement Agency (PDEA) nga ipaubos sa drug test ang mga nagpapili sa 2019 midterm elections.
Apan, gibutyag niini nga dili nila mahimong ipugos ang maong sugyot tungod kay dako kini nga kasupakan sa balaod.
Dugang pa niini nga andam sila mosunod kung unsa man ang mando kanila sa central office kalabot na sa kagustohan sa PDEA.
Samtang, pabor si PRO-10 spokesperson PSupt Surki Serenias sa sugyot sa nga ipaubos sa drug test ang mga nagpapili sa 2019 midterm elections.
Si Serenias miingon nga nagpamatood lamang kini nga suportahan sa mga mo-kandidato ang kampaniya sa gobyerno batok illegal nga droga.
Asoy pa niini nga walay angayang kahadlukan ang mga kandidato nga magpaubos sa drug test kung wala sila’y gihimong dautan.
