CAGAYAN DE ORO CITY – Wala itugot ni City Mayor Rolando ‘Klarex’ Uy sa katawhan nga mahimo’g pagbisita sa ilang mga namatay’ng minahal sa kinabuhi nga mag-overnight stay sulod sa city memorial park sa Bolonseri,Brgy Camaman-an ning syudad.
Kini alayon sa pagsalaug sa adlaw sa mga santos ug pagdumdom sa mga kalag sa Biyernes ug Sabado ning tuiga.
Miingon si CDRRMD manager Nick Jabagat nga nalatid kini nga mando sa gilugwa nga amended executive order ni Mayor Klarex alang sa maong mga kalihukan.
Gipasabot ni Jabagat nga dili na kini bag-o nga mando kay napatuman na usab kini sa milabay nang mga katuigan.
Unod usab sa mando sa mayor nga gidili na ang pagbitbit sa bottled waters kay manghatag sa libreng tubig-mainom ang city govt ingo man walay palutson nga posporo o lighters aron gamiton nga idagkot sa mga kandila.
