Naghinaot ang buhatan sa CEPALCO nga dili na moabot sa punto nga kinahanglang magpatuman og rotating power interruption o sunod-sunod nga pagkapawong sa suga sa dakbayan tungod sa kakuwang sa suplay sa kuryente sa tibuok Mindanao.
Gumikan niini, giisa ni CEPALCO Assistant Vice President Marilyn Chavez ang dinalian nga panawagan sa publiko nga magtipid sa enerhiya ug maglikay sa paggawas-gawas sa balay taliwala sa peligro nga gidala sa kainit sa panahon.
Agi og dugang nga pasidaan, gipahimangnoan ang tanan nga mag-amping batok sa peligro sa heat stroke pinaagi sa pagdala og payong ug tubig mainom.
Dugang pa niini, gipahinumdoman usab ang publiko nga magsul-ob og face mask aron mapanalipdan ang baga batok sa daotang epekto sa haze nga nitabon sa palibot..
