SUBLING nagpadumdom ang CEPALCO sa mga konsumante nga magdaginot sa paggamit og kuryente ug enerhiya samtang giatubang sa tibuok nasod ang krisis sa suplay.
Gipasabot ni CEPALCO Assistant Vice President Marilyn Chavez nga dako kaayo og tabang ang pagtipid aron malikayan ang kalit nga pagkapawong sa suga sa mga panimalay nga sakop sa ilang serbisyo.
Dugang pa sa opisyal, nagpasalamat usab sila sa pipila ka dagkong establisemento ug mga malls sa dakbayan nga nagpakabana pinaagi sa pagpalong sa ilang linya gikan sa CEPALCO.
Gamiton sa maong mga komersyal nga pasilidad ang ilang kaugalingong generator gikan sa alas singko sa hapon hangtod alas otso sa gabii aron dili mabalda ang suplay sa kadaghanan
