CAGAYAN DE ORO CITY-Supak si IBP-Misamis Oriental chapter president Atty Ed Cuaresma sa gi-adaptar sa mga kongresista nga usbon ang konstitusyon pinaagi sa constituent assembly o CON-ASS.
Kini sa tuyo nga maoy subayon nga gabayan aron tukion ang batakang balaod alang sa pag-adaptar sa pederalismo gikan sa republic form of govt.
Miingon si Cuaresma nga mas maayo ang constitutional convention o CON-CON itandi sa CON-ASS aron kalikayan ang pagduda nga gitinguha lamang sa mga magbabalaod nga malugwayan ang ilang termino.
Ang Con-Con ang matambungan sa mga delegado gikan sa daghang sektor sa katilingban samtang ang CON-ASS,bugtong mga senador ug mga kongresista lamang ang makatuki sa pag-usab sa balaod.
Samtang naglaum ang kaparian sa Archdiocese of Cagayan de Oro nga mahimong matinud-anon ang mga magbabalaod sa ilang obligasyon sa nasud nga milangkob sa constituent assembly o CON-ASS.
Base sa panlantaw ni Cagayan de Oro Archdiocese consultor Msgr Rey Monsanto nga mas paborable alang sa katawhan ang Constitutional Convention o Con-Con itandi sa Con-Ass.
Nagtoo si Monsanto nga mas angay butaran sa katawhan ang mga eksperto sa balaod nga walay mantsa o kagikan sa politikanhong interes.
Dugang ni Monsanto nga dakong sa kalampusan sa Con-Ass ang “political motive” ug “selfish desire” sa mga politiko nga boot mupadagan sa nasud.
