Nadeport na balik sa Amerika ang Filipino-American activist Chantal Anicoche. Gikompirmar kini sa National Task Force to End Local Communist Armed Conflict (NTF-ELCAC) human gi-issue kaniya ang Order to Leave gikan sa Bureau of Immigration.
Subay sa impormasyon, miagi sa taas nga proseso ang paghatud balik kang Anicoche sa gawas sa nasud, ug tanan, gi-agi sa legal nga proseso ug inter-agency coordination.
Una niini, Anicoche gidala sa Philippine Army 2nd Infantry Division (2ID) hospital ug medically discharged na niadtong Enero 29,2026 human siya makita sa kalasangan duol sa lugar sa engkwentro niadtong Enero 1,2026 tali sa pwersa sa gobyerno ug New People’s Army sa Abra de Ilog, Occidental Mindoro.
Gibutyag ni NTF-ELCAC Executive Director Usec. Ernesto Torres Jr., nga mitug-an kanila si Anicoche nga ang iyang pagbiyahe sa Pilipinas nagtumong sa iyang pakig-uban sa NPA ug usa siya sa miyembro sa organisasyon sa gawas nasud nga tipik sa international network sa Communist Party of the Philippines.
Daku kining isyu sa seguridad sa nasud busa napagula ang iyang permiso nga makagawas sa nasud.
