Gitin-aw ni Palace Press Officer Atty Claire Castro nga wala sukad natandog ang isyu sa charter change o pag-amendar sa konstitusyon sa mga agency meeting ni Presidente Ferdinand Marcos Jr sa Malacañan Palace.
Kini maoy tubag ni Castro sa prangka nga pangutana sa BOMBO RADYO, ilabe nga subling mihungaw ug mikusog ang panawagan sa Cha-cha samtang nagkaduol ang pagdumdum sa ika-48 ka tuig nga anibersaryo sa EDSA People Power Revolution sa Pebrero 25.
Miingon si Castro nga wala sukad nahisgutan ang isyu kay mas gihatagan ug atensyon sa presidente ang bug-at nga mga butang sa Pilipinas.
Bugnaw usab ang tratamento sa palasyo sa sugyot kung musuporta ba sila sa ilusad nga plebesito ang pangulo.
Mahinumduman nga sa miaging tuig, nalutos ug maayo si kanhi House Speaker Martin Romualdez human masapon ug gitudlong utok sa sekretong signature campaign nga gipadagan sa kapin 4,000 ka mga barangay kalabot sa pagsuporta sa peoples initiave aron mabag-o ang konstitusyon sa Pilipinas.
