Giklaro ni Jade A. Adeser, ang Acting City Information Officer, nga usa ka local holiday ang pag-obserbar sa tinuig nga Charter Day sa dakbayan sa Cagayan de Oro.
Base sa iyang pamahayag, awtomatikong walay trabaho ang tanan nga buhatan sa gobyerno sulod sa maong siyudad atol sa maong kasaulogan.
Hinuon, giingon ni Adeser nga padayon ang operasyon sa mga pribadong kompanya apan kinahanglan silang mohatag og extra pay ngadto sa ilang mga empleyado.
Samtang nagpadayon ang holiday, gipasabot niya nga may mga esensyal nga opisina sama sa CDRRMD, JR Borja Hospital, ug uban pa nga magpabilin nga abli aron moalagad sa publiko.
Tungod kay ilakip usab sa mga trabahante ang mga personahe nga mo-facilitate sa programa, gipasalig sa opisyal nga kompleto ang ilang pagpangandam alang sa maong okasyon.
