Pagbaton sa kaugalingong chartered vessel ang usa sa nakitang opsyon sa Department of Energy Oil Industry Managment Bureau (DOE-OIMB) aron maminus-minusan ang pagsaka sa presyo sa lana, kung ibaligya na sa merkado sa Pilipnas.
Namahayag si Rodela Romero, Assistant Director sa DOE nga usa sa pananglitan sa pagsaka sa fuel cost mao ang hitabo sa Samar.
Si Romero miingin nga ang DOE nagkoordinar sa Philippine Institute of Petroleum (PIP) aron mag-charter sa mga barko nga magdala sa fuel supply padulong sa Samar tungod sa pagsira sa San Juanico Bridge sa mga fuel tankers.
Una nang namahayag ang Office of Civil Defense (OCD), nga may laraw ang DOEnga magpahamtang sa roll-on/roll-off (RoRo) vessel services aron masiguro ang padayon nga suplay sa lana sa Samar.
Apan, ang Philippine Ports Authority (PPA) kinahanglan muhatag sa rekomendasyon alang sa mga vessel operators aron mapaspasan ang pag-apruba sa chartered ships.
Hisayran nga ang pagsira sa San Juanico Bridge nagsumikad kini sa pagtuki sa mga structural issues, nga nagresulta sa pagtaas sa presyo sa lana sa Samar, nga labaw pa sa P1 kada litro.
Ang OCD ug DOE nagkoordinar sa Inter-Agency Coordinating Cell (IACC) aron matabangan ang mga apektadong lugar ug mapadali ang maritime transport sa mga essential goods.
