CAGAYAN DE ORO CITY – Pahimutangan sa local govt unit sa El Salvador City sa dugang checkpoints ug traffic lights ang ilang mga kadalanan sa Misamis Oriental.
Kini sa tuyo nga makontrol ang kakusog pagpadagan sa mga motorista nga moresulta sa disgrasya.
Gihimo ni El Salvador City Mayor Edgar Lignes ang katin-awan nunot sa dugu-ong aksidente nga nagresulta sa kamatayon sa duha ka batan-on ug laing tulo ang angol sa bangga sa mga sakyana sa sa miaging adlaw.
Dumduman nga mismo ang trailer truck ang gibanggaan sa Toyota Hi-Lux pickup nga nagresulta sa grabeng aksidente.
Hisayrang mikaso ang usa sa mga pamilya sa naangol nga mga biktima batok sa drayber nga si Ernie Apor apan gibasura sa piskalya kay daghan ang kakulangon nga rekisitios.
