CAGAYAN DE ORO CITY-Imbestigaran sa Commission on Higher Education o CHED-10 ang usa ka dean sa Tagoloan Community College diha sa lungsod sa Tagoloan, Misamis Oriental.
Kini may kalabutan sa reklamo sa estudyante batok na sa dean sa Student Affairs sa maong tunghaan.
Miingon si Misamis Oriental Provincial Police Office o MOPPO spokesperson Police Lt. Princess Joy Enriquez nga ila pang gihulatan nga modangop sa mga pulis ang complainant batok sa giakusahan nga si Dr Roger Anthony Gamale.
Una nang nakadawat sa report ang Bombo Radyo nga mitanyag ang suspek sa law-ay nga gimbuhaton sa usa ka estudyante aron maka-gradwar sa pag-eskuwela ning bulana.
Dugtong niini,bukas ang mga mikropono sa Bombo Radyo alang sa himoong pagtubag ni Gamale ug laing opisyal sa tunghaan batok sa pasangil nga gibato kanila.
