CAGAYAN DE ORO CITY – Napriso ang chief tanod nga mipusil sa ilang barangay kapitan ug misunog sa kaugalingon niining panimalay diha sa Upper Brgy. Dayawan, Villanueva, Misamis Oriental.
Naila ang suspek nga si Pepe Hulguin, hingkod ang panuigon, minyo ug residente sa maong lugar.
Gibutyag ni Villanueva Municipal Police station commander Police Major Rogelio Manalang nga gi-unay pagsunog ni Hulugo-in ang ilang panimalay kay una kining nagtoo nga gipapatay ni Dayawan Brgy Kap Roberto Cabrera ang iyang igsoon.
Gusto usab una niini nga magpusil sa kaugalingon gamit ang improvised shotgun apan gibadlong ni Cabrera.
Kini ang hinungdan nga naigo si Cabrera ug si Jemsmar Tacbobo kay tuyo unta ipakalma ang emosyonal nga suspek.Hinoon,luwas na si Cabrera bisan sa igo sa tiyan ug kamot samtang si Tacbobo ang anaa pa gihapon sa Northern Mindanao Medical Center.
