Gimando sa Department of Education – Cagayan de Oro City Schools Division ang pag-aktibo sa Child Protection Committee sa Lapasan National Highschool. Nunot kini sa nagviral nga video sa social media nga pagbully sa usa ka grade-9 students sa gawas sa ilang tunghaan. Sa exclusive interview sa BOMBO RADYO kang Alvic Marie Francisco, Child Protection Focal Person sa DepEd CDO, ilang nasuta nga maayo ang kahimtang sa panglawas sa mga magtutungha nga nalambigit sa off-campus bullying. Miingon si Francisco nga nahinabi na nila ang principal sa tunghaan ug moihatag sa rekurso aron dili na masubli ang bayolente nga kalihukan sa mga magtutungha. Subli, nanawagan ang mga kadagkuan sa DepEd nga bantayan ang aktibidad sa mga magtutungha sa sekundarya ug ireport dayon ang susamang insidente aron kini masulbad.
Ang CHILD PROTECTION COMMITTEE langkoban sa School head, isip chairperson. Ang guidance counselor mao ang vice chairman. Ang ubang miyembro gilakipan sa faculty, mga opisyal sa Parents and Teachers Association kon PTA, mga opisyales sa student representative ug tagdumala sa Barangay Council for the Protection of Children o BCPC. —– (VC-2) —- Si Alvic Marie Francisco, Child Protection Focal Person sa DepEd CDO.
