Gihingusgan ni John Barry T. Tayam, usa ka Licensed Professional Teacher ug Supreme Court Petitioner, ang pagtukod og Child Protection Committee sa tanang tunghaan.
Subay sa iyang pamahayag, gikinahanglan kining maong komite aron matubag ang mga isyu bahin sa krimen ug pagpangabuso sama sa bullying nga nasinati sa mga kabataan sulod sa eskwelahan.
Dugang pa niini, gipadayag ni Tayam nga ang mga bata nga nag-edad og 15 ngadto sa 17 anyos dili awtomatikong exempted sa tulubagon sa balaod tungod kay gitun-an usab ang ilang kalidad sa discernment o ang pagsabot sa ilang gihimo nga lihok.
Tungod niini, giawhag niya ang mga tulunghaan nga seryosohon ang pag-implementar sa proper guidance and counseling aron masiguro ang proteksyon sa matag estudyante.
