CAGAYAN DE ORO CITY, Philippines – Andam na ang China nga makig-gubat sa Amerika.
Gibutyag kini ni Lin Jian, usa sa tigpamaba sa Chinese Foreign Ministry human gihagit ni US Secretary of Defence Pete Hegseth ang Beijing Government sa dakung posibilidad sa gubat ug dili nila kini sibugan.
Miingon si Jian nga walay nasud nga mahimong mudaug-daug sa China, sama sa gihimo ni US President Donald Trump kang Ukraine’s President Volodymyrr Zelenskyy kinsa gipakaulawan sulod sa White House, taliwala sa tinguha nga mangayo kinig tabang aron mahupay ang tensyon batok Russia.
Si Lin namahayag nga may kapasidad ang ilang nasud sa pag-atbang sa gipatumang 10 hangtud 25 porsiento nga usbaw sa taripa sa tanan nilang import commodities.
Una niini, ang makalilisang nga mga pulong gikan kang Trump ug Hegseth nagpakita sa grabeng kondemnasyon mga insek ug mipasidaan sa Estadus Unidos nga makig-gubat hangtud sa pagkahurot sa ilang ulahing bala ang ilang nasud, kung padayon kining muhimog probokasyon batok sa ilang gobyerno ug dagan sa ekonomiya.
Kagahapon, gi-anunsyo sa China ang ilang dul-an 8% nga usbaw sa defense spending human gipahamtangan sa mahal nga taripa sa Amerika ang ilang mga produkto.
