Gitataw ni Chinese Foreign Minister Wang Yi nga ang labing prayoridad karon mao ang pagbalik sa Estados Unidos ug Iran sa negotiating table aron makapangita sa political solution.
Gipahayag niya kini sa miting uban ni Italian Deputy Prime Minister ug Foreign Minister Antonio Tajani sa Beijing diin naghisgot sila sa sitwasyon sa Middle East.
Gipadayag ni Wang, ang gubat sa U.S.-Israel batok Iran dili unta mahitabo ug ang pagpadayon niini nakadaot na sa international energy security ug kaluwasan sa Strait of Hormuz.
Gipamugos niya nga ang China kanunay nga nag-awhag sa political resolution pinaagi sa dialogue ug consultation ug supak sa paggamit og puwersa.
Dugang pa niini nga ang China nagpadayon sa objective ug impartial nga posisyon, nagsuporta sa mediation efforts sa Pakistan, ug andam nga magpadayon sa komunikasyon aron mapalambo ang kalinaw.
Gibutyag usab sa opisyal nga andam ang China nga makigtambayayong sa Italy aron ipatuman ang mga kasabutan sa liderato ug mapalig-on ang bilateral relations.
